म र तिमी !

म गोरु हुँ
तिमी मान्छे
मलाई जोतेकी छौ तिमीले
आफ्नो लागि
आफ्नो बारीमा
प्रशस्त अन्न फलाउनु छ तिमीलाई
र आफ्नु बनाउनु छ |
अनि म ?
म त खेतका आलीसम्म चर्न पाउँदिन !
तिमी विरोध गरौली
तर नबिर्ष
तिमीले मेरो मुखमा मला लगाएको !
म गधा हुँ
तिमी मान्छे
मलाई बोकाएकी छौ तिमीले
आवस्यकताका तिम्रा भारीहरु
मैले आफैलाई बोक्न पाएको छैन
अहिले सम्म
तिम्रा आवस्यकताहरु बोक्दा बोक्दा
मेरो ढाड खुइलिएको तिमी नबिर्ष !
मलम लगाउने कुरा छोड
औषधिको नाममा
नुन खोर्सानी दलेकी छौ तिमीले बरु !
अनि सोच त
अहिले
यतिबेला आएर तिमी
प्रणय दिवसको कुरा गर्छौ ??