प्रजातन्त्र र म

आजभोली
मलाई अध्याँरो मन पर्न थालेको छ
प्रजातन्त्र,
लोकतन्त्र,
गणतन्त्र
जे भने पनि
म
स्वतन्त्रता देखि डराउन थालेको छु |
हिड्दै गर्दा कहिले
अध्याँरोमा
गन्हाउने टुकुचाको पुलमा
प्रजातन्त्र खोजिरहेका
जोडीहरु देख्छु
आलिंगनमा बाँधिएका |
कहिले प्रजातान्त खोज्दै
राँके जुलुस लाउँदै गरेका
बारुदहरु देख्छु
म डराउँछु
र भाग्छु फेरी
अध्याँरो तिर
लुक्न
यो प्रजातन्त्रले
मलाई खान्छा की
मलाई डर लाग्छ
र भाग्छु म
टाढा
प्रजातन्त्र देखि पर !
हे प्रजातन्त्र मलाई नतर्साउ
म त्यसै पनि
निर्दो र निरह
भइसकेको छु |
बरु अब हत्या गरिदेउ
र डर मुक्त बनाइदेउ !
म र तिमी
खुशी खुशी बाँच्न
नसक्ने भएछौँ ||